საქართველო ელჩი აშშ-ში დღეს მისი ოჯახის სკანდალს არ გამოხმაურებია, თუმცა, საელჩოს გვერდზე გამოაქვეყნა მადლობა იმ მოსაწვევისთვის, რომლითაც თეთრ სახლში საშობაო ტურს დაესწრო.
ტალიაშვილი თეთრ სახლში, საშობაო ტურზე ოჯახთან ერთად მივიდა.
“აშშ-ის პრეზიდენტის ადმინისტრაციის მიწვევით, აშშ-ში საქართველოს საგანგებო და სრულუფლებიანი ელჩი, თამარ ტალიაშვილი, ოჯახთან ერთად, თეთრი სახლის საშობაო-სადღესასწაულო ტურს ეწვია.
საქართველოს ელჩმა ღონისძიებაზე მოწვევასთან და პრეზიდენტისა და პირველი ლედის მისალოც ბარათთან დაკავშირებით მადლიერება გამოხატა.
თეთრი სახლი სტუმრებს აშშ-ის პირველი ლედის, მელანია ტრამპის მიერ შემუშავებული თემატიკით – „სახლი არის იქ, სადაც შენი გულია“ დახვდათ მორთული. წლევანდელი დეკორაციები ამერიკის სულისკვეთებას განასახიერებს და ხაზს ოჯახურ ღირებულებებსა და პრეზიდენტის ადმინისტრაციის იმ საქმიანობას უსვამს, რომელიც მოქალაქეთა კეთილდღეობას ემსახურება.
ღონისძიება დიპლომატიური წარმომადგენლობების ხელმძღვანელებისა და მათი ოჯახის წევრებისთვის გაიმართა”, – წერია ინფორმაციაში.
ცნობისთვის, OC Media-ს მიერ გუშინ გავრცელდა სტატია, სადაც წერია, რომ თამარ ტალიაშილის ქმარი, სანქცირებულ რუს ბიზნესმენებს იურიდიულ დახმარებას უწევს.