ამერიკის პრეზიდენტი დონალდ ტრამპი განცხადებას ავრცელებს და შეშფოთებას გამოთქვამს უკრაინაში არჩევნების საკითხთან დაკავშირებით.
მისი თქმით, უცნაურია ის ფაქტი, რომ უკრაინაში არჩევნები ამდენი ხანია არ ჩატარებულა და ასევე აცხადებს, რომ უკაინა სავსეა კორუფციით.
„გაკვირვებული ვარ, რომ ამდენი ხანი გავიდა მას შემდეგ, რაც უკრაინაში არჩევნები არ ჩატარებულა.
უკრაინელების 82% რუსეთთან სამშვიდობო შეთანხმების დადებას ითხოვს. მათ შეთანხმება სურთ. მე ეს მესმის. ისინი ყოველ კვირას ათასობით ადამიანს კარგავენ. მათ სურთ, რომ ეს დასრულდეს.
უკრაინას კორუფციასთან დაკავშირებული მასიური პრობლემა აქვს. ეს არავის ცილისწამებას არ ნიშნავს. ხალხი კითხულობს: როდის იქნება არჩევნები? საერთოდ იქნება არჩევნები? თუ უბრალოდ ასე გაგრძელდება?“, – აღნიშნა ტრამპმა.