ინდონეზიის დედაქალაქ ჯაკარტაში, შვიდსართულიან საოფისე შენობაში ხანძარი გაჩნდა, რის შედეგადაც 22 ადამიანი დაიღუპა.
ჯაკარტის პოლიციის უფროსმა, სუსატიო პურნომო კონდრომ ჟურნალისტებს განუცხადა, რომ ხანძარი ამ დროისთვის ლიკვიდირებულია.
კონდროს თქმით, ცეცხლი პირველ სართულზე გაჩნდა, შემდეგ კი ზედა სართულებზე გავრცელდა. მისივე ცნობით, კომპანიის ზოგიერთი თანამშრომელი იმ დროს შენობაში სადილობდა. ჯაკარტის პოლიციის უფროსის განმარტებით, ზოგიერთმა მათგანმა ოფისიდან გაღწევა მოასწრო.
შენობაში, სადაც ხანძარი გაჩნდა, იაპონური ფირმის, Terra Drone Corporation-ის ოფისი მდებარეობდა. არსებული ინფორმაციით, ოფისში ერთ-ერთი დრონის აკუმულატორებს ცეცხლი გაუჩნდა, რაც ხანძრის მიზეზი გახდა.