დიდმა ბრიტანეთმა ჯერ საზოგადოებრივი მაუწყებლის სიყალბის გამო ბოდიში უნდა მოიხადოს. ეს არის პირველი, რაც ეკუთვნის დიდ ბრიტანეთს, – ამის შესახებ ირაკლი კობახიძემ განაცხადა, რითაც სტუდენტებთან შეხვედრაზე საქართველოში ბრიტანეთის ელჩის მიერ გაკეთებულ განცხადებას გამოეხმაურა იმის თაობაზე, რომ „ორ ქვეყანას შორის პოლიტიკური ურთიერთობა დაზიანებულია, რადგან საქართველოში არსებობს ანტიდემოკრატიული ზეწოლა ოპოზიციასა და სამოქალაქო საზოგადოებაზე“.
„დიდმა ბრიტანეთმა ჯერ საზოგადოებრივი მაუწყებლის სიყალბის გამო ბოდიში უნდა მოიხადოს. ეს არის პირველი, რაც ეკუთვნის დიდ ბრიტანეთს, იმიტომ, რომ BBC არის საზოგადოებრივი მაუწყებელი, პირდაპირ ფინანსდება საჯარო არხებით, შესაბამისად, პირველი, რაც უნდა გააკეთოს დიდმა ბრიტანეთმა, ეს არის ბოდიშის მოხდა იმ ყალბი სიუჟეტის გამო, რომელიც მათ გაავრცელეს და ვხედავდით, რომ სკანდალი შექმნეს, აბსოლუტურად ხელოვნური მცდელობა იყო, რომელიც აბსოლუტურად სიყალბეზე იყო დაფუძნებული. გამოძიება არის დახურული, ჩვენ განვაცხადეთ ღიად და საჯაროდ, ნებისმიერ საერთაშორისო სუბიექტს შეუძლია, გამოითხოვოს ჩვენგან ინფორმაცია ამ გამოძიების თაობაზე. მთლიანობაში, როდესაც იქნა გამოყენებული წყლის ჭავლი, ყველა შემთხვევაში გამოიყენებოდა ის ნივთიერებები, რომლებიც იყო ნახსენები სუს-ის ბრიფინგზე, ეს ეხება უკლებლივ ყველა შემთხვევას, როდესაც იქნა გამოყენებული წყლის ჭავლი. 5 -მა მიმართა მსუბუქი ინტოქსიკაციით, რომლებიც გაეწერნენ მეორე დღეს. თუთიყუშს დასცვივდა ბუმბულებიო, აქამდე დახვედით. ვაპირებთ მივმართოთ ბრიტანულ მარეგულირებელს, შემდეგ სასამართლოებს, საჭიროების შემთხვევაში, ყველა სამართლებრივ გზას გამოვიყენეთ იმისთვის, რომ BBC-ის მოუწიოს ბოდიშის მოხდა იმ ტყუილის გამო, რომელიც მათ გაავრცელეს. სუს-მა ყველაფერი თქვა, შესაბამისად, საპნის ბუშტივით გაგისკდათ სიყალბე“, – განაცხადა კობახიძემ.