ლევან ხაბეიშვილი ფსიქოლოგიური ზეწოლაზე საუბრობს – სასამართლო დარბაზში დაკავებულმა პოლიტიკოსმა თქვა, რომ ოჯახის წევრებთან, დედასთან, შვილებთან კომუნიკაციის აკრძალვა სხვა არაფერია თუ მისი გატეხვის მცდელობა.
არავისთან კონტაქტი, არა შვილი, არა დედა, ცას „კლეტკებით“ უნდა ვუყურო – თქვა სხდომათა დარბაზში ხაბეიშვილმა.
„ვთხოვ ჩემს ადვოკატებს, რომ წინასწარი პატიმრობის გადახედვის საკითხი არ დააყენონ. როგორც ჩერნობილში წამლავენ ხალხს ისე წამლავენ და მათთან არაფერი მაქვს სახვეწი. ჩემს მცირეწლოვან შვილებს ვერ ვნახულობ, ეს არ არის სწორი, ოთხ თვეში ერთხელ მხოლოდ. არანაირი თანხა და გირაო. შევეჩვიე დილეგში ყოფნას. ეს არის ფსიქოლოგიური ზეწოლა. არავისთან კონტაქტი, არა შვილი, არა დედა, ცას „კლეტკებით“ უნდა უყურო“ – თქვა ხაბეიშვილმა.
შეგახსენებთ, თბილისის საქალაქო სასამართლოში ლევან ხაბეიშვილისა და მურთაზ ზოდელავას პროცესი მიმდინარეობს.ლევან ხაბეიშვილი ხელისუფლების დამხობისა და ქრთამის შეთავაზების ბრალდებით დააკავეს მას 7 წლამდე თავისუფლების აღკვეთა ემუქრება. ხაბეიშვილთან ერთად, 11 სექტემბერს, მურთაზ ზოდელავაც დააკავეს. ზოდელავას ედავებიან ხაბეიშვილის მობილური ტელეფონის გადამალვას, რომელიც მას პოლიტიკოსმა დაკავებისას მიაწოდა. ზოდელავას ამ საქმეზე ბრალი წაუყენეს გამოძიებისთვის ხელის შეშლის მუხლით და გირაო შეუფარდეს. მოგვიანებით, 4 ოქტომბერს, ზოდელავა „სახელმწიფო გადატრიალების ორგანიზების“ ბრალდებით დააპატიმრეს .