ქართველმა ჩემპიონმა მერაბ დვალიშვილმა სუპერმსუბუქი წონის საჩემპიონო ქამარი დათმო. რუსმა მებრძოლმა პიოტრ იანმა ლას ვეგასში გამართულ UFC 323-ზე მერაბ დვალიშვილის დამარცხება შეძლო და უმსუბუქესი წონის საჩემპიონო ქამარს დაეუფლა.
ამით დვალიშვილისთვის ზედიზედ 14-გამარჯვებიანი სერია შეწყდა. ეს UFC-ში სულ მისი მესამე მარცხია. აქამდე ის ბოლოს 2018 წელს დამარცხდა.
“ვცადე შოუს მოწყობა და ბრძოლა წავაგე. მას ბრძოლის უკეთესი სტრატეგია ჰქონდა. ვულოცავ, მაგრამ რემატჩი მინდა. ნუტრიციოლოგებს არ ვენდობი და წონას ყოველთვის ჩემით ვიკლებ.
გამართლებას არ ვეძებ, ვცადე განსხვავებულად მებრძოლა. ყველა ბედნიერია – ეს არის ყველაზე მნიშვნელოვანი. არ მინდოდა ჭიდაობა და მოსაწყენი ბრძოლა. მსურდა მასთან დგომში მებრძოლა და დღეს იანი უკეთესი იყო”, – განაცხადა დვალიშვილმა.