პოლიტოლოგი, დავით ზურაბიშვილი BBC-ის გამოძიებას ეხმიანება, რომლის თანახმადაც 2024 წლის ნოემბერ-დეკემბერში საპროტესტო აქციების დასაშლელად ნივთიერება „კამიტი“ გამოიყენეს, რომლის გამოყენება ბოლოს I მსოფლიო ომის დროს მოხდა.
“ძალიან მოკლედ იმაზე, თუ რას გვეუბნება ხელისუფლება აქციის მონაწილეთა წინააღმდეგ გამოყენებულ ქიმიურ საშუალებებზე:
ა) ეს არ იყო კამიტი.
ბ) რა იყო არ ვიცით და ვიძიებთ,
გ) თუ რამე ცუდი აღმოვაჩინეთ ამ ძიებაში, ეს იქნება ვანო მერაბიშვილის და შოთა უტიაშვილის დანაშაული. აბა, გომელაური ქიმიკოსი არაა და რა უნდა ექნა?
ვიტყოდი დაგვცინიან მეთქი, მაგრამ მგონი სულ არ ეცინებათ და სერიოზულად უნდათ ეს აბდაუბდა ვჭამოთ”- წერს დავით ზურაბიშვილი.
ცნობისთვის, BBC-მ მოამზადა და გამოაქვეყნა საგამოძიებო მასალა, რომლის მიხედვით, 2024 წლის ნოემბერ-დეკემბერში საპროტესტო აქციების დასაშლელად ნივთიერება „კამიტი“ გამოიყენეს, რომლის გამოყენება ბოლოს I მსოფლიო ომის დროს მოხდა. აღნიშნული რეპორტაჟის გავრცელების შემდეგ სახელმწიფო უსაფრთხოების სამსახურმა გამოძიება ორი მუხლით დაიწყო. ეს მუხლებია: – სამსახურებრივი უფლებამოსილების გადამეტება და უცხოეთის ორგანიზაციისთვის მტრულ საქმიანობაში დახმარება.