გელა ბარკალაიას სახლის ყაჩაღობის ბრალდებით დაკავებული ერთ-ერთი პირი, გორის მერიის თანამშრომელია – ლაშა მეტრეველი მერიაში მძღოლად მუშაობს.
მან ცოტა ხნის წინ მცხეთის რაიონულ სასამართლოში მიმდინარე პროცესზე, სადაც დაკავებულების აღკვეთის ღონისძიებაზე მსჯელობენ, სიტყვით ისარგებლა.
ლაშა მეტრეველი პოლიციელებს არაადამიანურ მოპყრობაში ადანაშაულებს, ამტკიცებს, რომ 10- მდე პოლიციელი სცემდა და აღიარებას აიძულებდა.
არ ვაღიარებ დანაშაულს. საერთოდ არ ვყოფილვარ ადგილზე. სახლში დამაკავეს გორში სოფელ ფლავში. ღამის 11 საათზე მოვიდნენ პოლიციელები და წამომიყვანეს მცხეთის განყოფილებაში. ვეუბნებოდი რომ არ ჩამიდენია დანაშული. არავინ მიცემია თქო. ამის შემდეგ დამიწყეს რტყმა თავში შუბლში თვალებში კისერზე მეორემ აღიარა და შენც უნდა აღიაროო. არ ვიცი სახელები ვინ იყვნენ 10 მდე პოლიციელი მედგა თავზე და 3 უმოწყალოდ მცემდა თითქმის მთელი ღამე” – ამბობს ბრალდებული.
პირებს, რომლებიც გამოძიებსი ინფორმაციით, გელა ბარკლაიას სახლში ყაჩაღობის მიზნით შევიდნენ, 8-დან 12 წლამდე პატიმრობა ემუქრებათ – საქართველოს პროკურატურამ მცხეთის მუნიციპალიტეტში ჯგუფურად ჩადენილი ყაჩაღობის ფაქტზე ორ პირს ბრალდება გუშინ წარუდგინა.