“ადამიანები დღესაც გადასარჩენები შეიძლება იყვნენ” – ამის შესახებ კარდიოლოგმა ალექსანდრე საბეკიამ განაცხადა და BBC-ის ჟურნალისტურ გამოძიებაზე ისაუბრა.
მისი თქმით, საჭიროა ტოქსიკოლოგების რეკომენდაცია, რათა ექიმებმა იცოდნენ პაციენტებთან დაკავშირებით რა მიმართულებით იმუშაონ და სად ეძებონ აღნიშნული ნივთიერებები.
პირველ რიგში მე ვფიქრობ, რომ სტატისტიკური მონაცემები უნდა მოვიძიოთ, რამდენი პაციენტი იყო და მერე ეს სისტემურად დალაგდეს და ვნახოთ სტატისტიკა რას შვრება ამ პერიოდის, ბოლო ერთი წლის განმავლობაში. მაინც ვამბობ, რომ ტოქსიკოლოგების რეკომენდაცია გვჭირდება, რომ ვიცოდეთ რა მიმართულებით წავიდეთ.
კლინიკური კვლევების სტატისტიკის დადგენა შედარებით იოლია და ნახვა ამის ყველაფრის, მაგრამ ტოქსიკოლოგებმა მაინც უნდა თქვან თავისი სიტყვა, სად ვეძებოთ ეს ყველაფერი – ტანსაცმელში ვეძებოთ, ხომ დარჩათ ადამიანებს ტანსაცმელი რომელიც არ არის გარეცხილი… იყო რეკომენდაცია გარეცხვის, არ გაკარების, რამდენჯერმე გარეცხვის და ა.შ., მაგრამ შეიძლება ვიღაცას დარჩა ტანსაცმელი, რომელზეც ამ ნივთიერების მონახვა შეიძლება.
შემდეგ უკვე ფიქრი ამაზე, როგორ მოვიქცეთ, რა ვქნათ, ჩამოვყალიბდეთ, ადამიანები დღესაც გადასარჩენები შეიძლება იყვნენ, რაღაც მეთოდებით, შეიძლება კლინიკური კვლევებით და შეიძლება რაღაც საერთაშორისო რეკომენდაციებით,” – განაცხადა ალექსანდრე საბეკიამ.