არასდროს მაღალი ინტელექტით არ გამოირჩეოდა” – ამის შესახებ “ერთიანობა ნაციონალური მოძრაობის” ერთ-ერთმა ლიდერმა, ხატია დეკანოიძემ თქვა და შინაგან საქმეთა ყოფილი მინისტრის, ვახტანგ გომელაურის განცხადებას გამოეხმაურა.
არასდროს დიდი მაღალი ინტელექტით არ გამოირჩეოდა [ვახტანგ გომელაური], მაგრამ ყოველ შემთხვევაში “ქართულმა ოცნებამ” დაავალდებულა, ახლა რაღაც კომენტარი უნდა გააკეთო იმიტომ, რომ ივანიშვილს აქვს ისტერიკა. სანქციები ისედაც არ უყვარს, არ მოსწონს [ივანიშვილს] და ეშინია რა თქმა უნდა, მაგრამ მას ხომ ეს პარანოიდალური შიშები აქვს კიდევ ზემოდან, ამიტომ ზუსტად ვხვდებით ხოლმე პროპაგანდას რა სენსორები აქვს ხომ.
ანუ კაცი გამოდის და რას ამბობს, დავუფიქრდეთ, ელემენტარულად წარმოუდგენელია, პირველი, ადასტურებს, რომ ასეთი ქიმიური ნაერთები იდო შინაგან საქმეთა სამინისტროში, 13 წელია არიან ხელისუფლებაში, 13 წლის განმავლობაში აღმოჩნდა რომ ვერ გამოიძიეს, ვერ იპოვეს. მერე რა, მიხეილ სააკაშვილი გადმოიპარა, დეკანოიძე, თუ რომელი გადმოიპარა და ვთქვათ ხარებასთან ერთად შეურიეს ეს ქიმიური ნაერთი თუ რაზე ლაპარაკობს,” – განაცხადა ხატია დეკანოიძემ.
ცნობისთვის, შინაგან საქმეთა ყოფილი მინისტრმა, ვახტანგ გომელაურმა განაცხადა, რომ BBC-ის მიერ გავრცელებულ ინფორმაციაში დასახელებული ნივთიერებები „ნამდვილად ჰქონდა შეძენილი შინაგან საქმეთა სამინისტროს და იყენებდა, ოღონდ 2012 წლამდე”. ვახტანგ გომელაურის მტკიცებით, შინაგან საქმეთა სამინისტროს “კამიტე” 2009-2010 წლის შემდეგ არ გამოუყენებია.
შეგახსენებთ, BBC-მ გაავრცელა ინფორმაცია, რომ მათ მიერ შეგროვებული მტკიცებულებები მიუთითებს, რომ საქართველოს ხელისუფლებამ გასულ წელს მთავრობის საწინააღმდეგო საპროტესტო აქციების ჩასახშობად პირველი მსოფლიო ომის დროინდელი ქიმიური იარაღი გამოიყენა.
როგორც BBC-ი წერს, „საქართველოს მთავრობის მიერ ევროკავშირში გაწევრიანების პროცესის შეჩერების წინააღმდეგ მებრძოლი დემონსტრანტები სხვადასხვა სიმპტომებს უჩიოდნენ მათ შორის თვალების წვას, ქოშინს, ხველასა და ღებინებას, რომელიც კვირების განმავლობაში გაგრძელდა“.
BBC-ის ცნობითვე, ესაუბრნენ World Service-ი ქიმიური იარაღის ექსპერტებს, საქართველოს სპეცრაზმის წარმომადგენლებსა და ექიმებს და აღმოაჩინეს, რომ „მტკიცებულებები მიუთითებს იმ აგენტის გამოყენებაზე, რომელსაც საფრანგეთის სამხედროებმა „კამიტი“ უწოდეს“