უკრაინის პრეზიდენტმა, ვოლოდიმირ ზელენსკიმ განაცხადა, რომ ომი რაც შეიძლება სწრაფად უნდა დასრულდეს. ამის შესახებ უკრაინის სახელმწიფოს მეთაურმა საფრანგეთის პრეზიდენტთან, ემანუელ მაკრონთან პარიზში გამართული შეხვედრის შემდეგ განაცხადა.
„ჩვენ ბევრი დეტალის შეფასება მოვახერხეთ. ყველაზე მეტი ყურადღება დაეთმო მოლაპარაკებებს ომის დასრულებისა და უსაფრთხოების გარანტიების შესახებ. მშვიდობა ნამდვილად საიმედო უნდა გახდეს. ომი რაც შეიძლება სწრაფად უნდა დასრულდეს. თითოეული ლიდერის აქტიურობაზე ახლა ბევრი რამ არის დამოკიდებული“, – აღნიშნა უკრაინის პრეზიდენტმა.