“BBC-ის მიერ გავრცელებული ინფორმაცია ჩვეულებრივი სისულელეა” – კახა კალაძე

BBC-ის მიერ გავრცელებული ინფორმაცია ჩვეულებრივი სისულელეა – თუ კი, რაიმე სიბინძურე შეიძლება, ყველაფერს კადრულობენ, – ასე გამოეხმაურა კახა კალაძე  BBC-ის მიერ გამოქვეყნებული მასალას.

მისი თქმით, საქართველოზე მიმდინარეობს შეტევა და ყველაფერს აკეთებენ, რომ ტყუილით გაჯერებული ინფორმაციები გაავრცელონ.

„ეს არის ჩვეულებრივი სისულელე. ხედავთ, როგორ მიდის შეტევა ჩვენს ქვეყანაზე – თუ კი, რაიმე სიბინძურე შეიძლება, ყველაფერს კადრულობენ, ყველაფერს აკეთებენ, რათა გაავრცელონ ინფორმაციები, რომელიც მხოლოდ და მხოლოდ ტყუილით არის გაჯერებული.

არ ვიცი, საერთოდ ღირს, თუ არა სერიოზული პასუხის გაცემა ამ ტიპის სისულელეებზე“, – აღნიშნა კახა კალაძემ.

შეგახსენებთ, BBC-იმ გამოაქვეყნა მასალა, რომელშიც ნათქვამია, რომ მათ მიერ შეგროვებული მტკიცებულებები მიუთითებს, რომ საქართველოს ხელისუფლებამ გასულ წელს მთავრობის საწინააღმდეგო საპროტესტო აქციების ჩასახშობად პირველი მსოფლიო ომის დროინდელი ქიმიური იარაღი გამოიყენა.