ისრაელი ღაზაში მუდმივად არღვევს ცეცხლის შეწყვეტის შეთანხმებას შეთხზული მიზეზების გამო – ამის შესახებ რეჯეფ თაიფ ერდოღანმა სტამბოლში, მეცნიერების პოპულარიზაციისთვის ჯილდოების გადაცემის ცერემონიაზე სიტყვით გამოსვლის დროს განაცხადა.
“როგორც ხედავთ, ე.წ. ცივილიზებული სამყარო ორი წლის განმავლობაში მხოლოდ ღაზაში ჩადენილ მკვლელობებსა და სასტიკ გენოციდს უყურებდა. საერთაშორისო მედიაორგანიზაციებმა, რომლებმაც სტამბოლის გეზის პარკის საპროტესტო აქციების დროს ბანაკი გაშალეს, კოლეგების შესახებ ინფორმაციაც კი არ გაავრცელეს, მაშინ როცა ღაზაში 270-ზე მეტი ჟურნალისტი დაიღუპა. განსაკუთრებით თქვენს ყურადღებას ვამახვილებ ამ სამარცხვინო ციფრებზე. ისრაელის ბომბების სამიზნე ღაზაში სკოლების 80%-ია, რაც 668 სკოლის შენობას ნიშნავს. ოკუპაციური ძალების მიერ 13 500-ზე მეტი სტუდენტი, 830-ზე მეტი მასწავლებელი და საგანმანათლებლო პერსონალი, ასევე 193 მეცნიერი და აკადემიკოსი დაიღუპა. 785 000-ზე მეტ სტუდენტს ჩამოერთვა განათლების უფლება. ეს ომის სასტიკი შედეგები არ არის. იქ განხორციელდა მასობრივი მკვლელობის შეგნებული, განზრახ დაგეგმილი პოლიტიკაა” – განაცხადა მან.