რუსთაველის გამზირი, სადაც უწყვეტი პროტესტის დაწყებიდან ერთი წლის თავზე საპროტესტო აქცია მიმდინარეობს, გადაკეტილია.
საკანონმდებლო ორგანოსთან მიმდინარე აქციას საზოგადოებრივი მაუწყებლისა და თბილისის სახელმწიფო უნივერსიტეტის ტერიტორიებიდან საპროტესტო მარშები შეუერთდნენ.
დემონსტრანტებს მოტანილი აქვთ სხვადასხვა შინაარსის ბანერები: “გადადგეს რეჟიმი”, “თავისუფლება რეჟიმის ტყვეებს” და ა.შ.
მარშების გამოჩენას მოქალაქეებში ოვაციები და შეძახილი მოჰყვა.
“ბოლომდე, ბოლომდე”, – სკანდირებენ აქციის მონაწილეები.
მოქალაქეები უწყვეტი პროტესტის ერთი წლის თავზე უცვლელ მოთხოვნებს აჟღერებენ – დაინიშნოს ახალი საპარლამენტო არჩევნები და გათავისუფლდნენ აქციების ფარგლებში დაკავებული პირები.
პარლამენტთან საპოლიციო ძალებია მობილიზებული.
იხილეთ “მეტრონომის” ფოტოკოლაჟი.
