“ხელმოწერის ცერემონია დასრულებულია. ვიზალიბერალიზაციის შეჩერების შესახებ ახალი აქტი ძალაში დეკემბრის შუა რიცხვებში შევა” – წერს სოციალურ ქსელში “რადიო თავისუფლების” ჟურნალისტი რიკარდ იოზვიაკი.
7 სექტემბერს ევროპარლამენტმა უვიზო რეჟიმის შეჩერების მექანიზმის გამარტივებას მხარი დაუჭირა. მოგვიანებით, 12 ნოემბერს, ახალ მექანიზმს მხარი დაუჭირეს ევროკავშირის ელჩებმაც, 17 ნოემბერს კი საგარეო საქმეთა მინისტრები შეთანხმდნენ მექანიზმის გამარტივებაზე. იოზვიაკის ცნობით კი გუშინ, 26 ნოემბერს, ახალ ინიციატივას ხელი მოეწერა.