“ზოგადადაც ბევრი მინუსი აქვს მიგრაციას, როდესაც პირველი კურსიდან მიდის ბავშვი სასწავლებლად საზღვარგარეთ, მათი უდიდესი ნაწილი აღარ ბრუნდება ქვეყანაში, ამიტომ მინუსი მეტი აქვს საზღვარგარეთ წასვლას, ვიდრე პლუსი” – აღნიშნა ირაკლი კობახიძემ და სკოლებში 11-წლიანი სწავლების პირობებში ისაუბრა.
მისი თქმით თუ ვინმეს სურს საზღვარგარეთ სწავლის გაგრძელება, აქაც იქნება შესაბამისი პირობები შექმნილი.
“ერთადერთი, რაც ოპონენტებმა დაუპირისპირეს ამ გზავნილს იყო ის, რომ 11-წლიანი სწავლების პირობებში, მოსწავლეებს გაუჭირდებათ საზღვარგარეთ სწავლის გაგრძელება. არავინ არ საუბრობდა იმაზე, საჭიროა თუ არა 12 წელიწადი… ერთადერთი რაც იყო, რომ თუ 12 წელი არ ისწავლა ბავშვმა, საზღვარგარეთ ვერ წავა პირველი კურსიდან უნივერსიტეტში. აქაც ჩვენ გვაქვს მარტივი გადაწყვეტა… ზოგადადაც ბევრი მინუსი აქვს მიგრაციას, როდესაც პირველი კურსიდან მიდის ბავშვი სასწავლებლად საზღვარგარეთ, მათი უდიდესი ნაწილი აღარ ბრუნდება ქვეყანაში, ამიტომ მინუსი მეტი აქვს საზღვარგარეთ წასვლას, ვიდრე პლიუსი, თუმცა ეს არის თითოეული მოსწავლის და მშობლის არჩევანი. მაგრამ თუ ვინმეს სურს საზღვარგარეთ სწავლის გაგრძელება, აქაც იქნება შესაბამისი პირობები შექმნილი:
პირველი – ეს მოთხოვნა არ შეეხება კერძო სკოლებს და კერძო სკოლებს შეეძლებათ შეინარჩუნონ 12-წლიანი სასწავლო პროგრამა და მეორე – რაც შეეხება საჯარო სკოლებს, თუ ვინმეს ექნება სურვილი გაიაროს მე-12 კლასი იმისათვის, რომ მერე ადვილად განაგრძოს სწავლა საზღვარგარეთ, ამისათვის სპეცკლასები შეიქმნება სხვადასხვა ქალაქში”- თქვა კობახიძემ.