უწყვეტი პროტესტის 362-ე დღეს მოქალაქეები კვლავ პარლამენტის მიმდებარე ტერიტორიაზე იკრიბებიან. აქციის მონაწილეებს დღეს გათავისუფლებული კოალიცია “ცვლილებისთვის” წევრი, ცოტნე მირცხულავაც შეუერთდა.
კოალიცია “ცვლილებისთვის” წევრის თქმით, მოქალაქეების დაკავება მათ დაშინებას ემსახურება, თუმცა ამით არ შეშინდებიან და სანამ საჭირო იქნება რუსთაველზე იდგებიან.
ეს დაჭერები ზოგადად რას ემსახურება ყველამ კარგად ვიცით, ემსახურება ჩვენ დაშინებას და ჩვენ გამოკეტვას უკანონოდ დროებითი მოთავსების იზოლატორებში თუ ციხეებში. თუმცა, ამით ჩვენ არ ვშინდებით ხომ ხედავთ… დღეს, ლუკა ჭოხონელიძეც რომ გამოეშვათ, ისიც აქ იდგებოდა და სხვა დაკავებულებიც. მარტივი პასუხი გვაქვს ჩვენ ამაზე – ტრადიციულად, ყოველ დღე შევხვდებით რუსთაველზე სანამ ამის შესაძლებლობა გვექნება.
ტროტუარზე დამაკავეს ჩვეულებრივ რეჟიმში, თუმცა დღეს [სასამართლოში] მოწმეებმა ისეთი რაღაცები იკადრეს, არ ვიცი რად უღირთ იმ ადამიანებს თუნდაც იმ მუნდირის ტარება და თუნდაც ხელფასი, რა სიტყვებიც დღეს საკუთარ თავს აკადრეს.
ჯარიმით გამომიშვეს და დღესაც რუსთაველზე ვარ. სადამდეც საჭირო იქნება, იქამდე ვიდგებით ჩვენ აქ, ჩვენი თანამებრძოლების და ჩვენი მეგობრებისთვის,” – თქვა ცოტნე მირცხულავამ.
დროებითი მოთავსების იზოლატორში 2 დღის გატარების შემდეგ, სასამართლომ ცოტნე მირცხულავა ადმინისტრაციულ სამართალდამრღვევად ცნო და 5 000 ლარით დააჯარიმა.