პოლიტიკოსი რომან გოცირიძე სოციალურ ქსელში პოსტს აქვეყნებს, რითიც ბიძინა ივანიშვილისა და შვეიცარიული ბანკის, „კრედიტ სუისის“ საქმეზე ლონდონის უზენაესი სასამართლოს გადაწყვეტილებას ეხმიანება.
“რა უსუსური ყოფილა დიპ სტეიტი, ერთი მილიარდი დოლარი ააცალა ივანიშვილმა შვეიცარიულ ბანკს და ესეც კი ვერ აღკვეთა. ჯერ სინგაპურის სასამართლოს ვერ მოერია და 460 მილიონი დოლარი მოუგო ივანიშვილმა ბანკს და კიდევაც ჩაერიცხა ეს ფული შარშან ზაფხულში, მერე ბერმუდას სასამართლოს ვერაფერი მოუხერხა ამ დიპ სტეიტმა თუ ვიღაცამ და ისევ მოიგო დავა ივანიშვილმა და 600 მილიონი დოლარი დააკისრეს ბანკს. გაიბრძოლა ამ შვეიცარიულმა ბანკმა, იქნებ ლონდონში მაინც წამეხმაროს გლობალური ომის პარტიაო და იქ გაასაჩივრა, მაგრამ იქაც არაფერი გამოუვიდა. დღეს 607 მილიონი დოლარის გადახდა დაეკისრა ამ ბანკს ივანიშვილის სასარგებლოდ.
