“17 მილიონი გვაქვს და უდიდესი იატაკქვეშა ქსელი, მაგრამ ტყუილად ვფაფხურობთ, რადგან მამუკას მახვილ თვალს მაინც არაფერი ეპარება”- წერს სოციალურ ქსელში “პუბლიკას” რედაქტორი, ზურა ვარდიაშვილი და ტვ იმედის მიერ მომზადებულ სიუჟეტს ეხმაურება.
“იმედმა პროპაგანდისტული ნეხვი მოზილა და ონლაინ მედიებს მოგვდგა. იმდენად უნიჭო აჯაფსანდალია, მართლა თავს და ბოლოს ვერ გაუგებთ. მოკლე შინაარსია, რომ 800-ნი ვართ, ვიღაცები, ვინც ახსენეს, ვერ ვიცანი, მაგრამ ალბათ ეგრეა საჭირო, რატომღაც ჯიპა გვატრენინგებს, სი აი ეი, მოსადი და დიფსტეიტი გვმართავს, 17 მილიონი გვაქვს და უდიდესი იატაკქვეშა ქსელი, მაგრამ ტყუილად ვფაფხურობთ, რადგან მამუკას მახვილ თვალს მაინც არაფერი ეპარება.
მთელი ეს სიუჟეტი კი მათსავე ერთ კადრად ღირდა. მე პირადად, ამ სქრინზე მეტით რით უნდა ვუპასუხო აბა ” – წერს ვარდიაშვილი.