ხანძარი ოკუპირებული ჯავის რაიონში – რა ვითარებაა ადგილზე ?

ოკუპირებულ ჯავის რაიონში გავრცელებული ხანძარი უკვე სოფელ ზამთარეთის სიახლოვეს გადავიდა.
მანამდე ცეცხლი სოფლებში ერწო, კოზი და მორგო დაფიქსირდა.
დე-ფაქტო სამხრეთ ოსეთის საგანგებო სიტუაციების მართვის სამსახურის მიერ გავრცელებული კადრებიდან ჩანს, რომ ხანძარი ტყის მასივსაც მოიცავს და მეხანძრეებს მისი ლოკალიზება უჭირთ.
ბოლო ცნობით, ახალი კერა გაჩნდა ყოფილ ზნაურის რაიონში — სოფელ ვახტანას მიმდებარე ტერიტორიაზე.
ინფორმაციას ადგილობრივი მედია “ქართლის ამბები” ავრცელებს.