ზურაბ ზვიადაურს საპროცესო შეთანხმება გაუფორმდა, იარაღის უკანონო შეძენა-შენახვა-ტარებისთვის დაკავებული ოლიმპიური ჩემპიონი და ქართული ოცნების ყოფილი დეპუტატი ციხეს პირობითი მსჯავრისა და 5 000-ლარიანი ჯარიმის სანაცვლოდ ოთხ თვეში დატოვებს – აღნიშნულის შესახებ მისმა ადვოკატმა TV პირველთან საუბრისას განაცხადა.
“ბრალდებულსა და ბრალდების მხარის შორის მოხდა შეთანხმება სასჯელზე, რაც ნიშნავს იმას, რომ ზურა ზვიადაურს საპროცესო შეთანხმება გაუფორმდა. შუამდგომლობით და განცხადებით პროკურატურას მე მივმართე, რომ გაფორმებულიყო მასთან საპროცესო შეთანხმება და პირობები გახლავთ – 6 თვით თავისუფლების აღკვეთა, ასევე პირობითი მსჯავრი და დამატებით სასჯელად ჯარიმა” – თქვა ზვიადაურის ადვოკატმა.
შეგახსენებთ, რომ ზურაბ ზვიადაური იარაღის უკანონო შეძენა-შენახვა-ტარების ბრალდებით 16 სექტემბერს დააკავეს.