ყვარელში საჯარო მოხელეებს შორის მომხდარი ინციდენტის სამივე მონაწილე თავისუფალია.
თითოეულს 5000ლარიანი გირაო შეეფარდა.
ყვარლის მუნიციპალიტეტის მერიისა და საკრებულოს თანამშრომლებს შორის მომხდარ ფიზიკურ დაპირისპირებაზე გადაწყვეტილება თელავის რაიონული სასამართლოს მოსამართლემ, მამუკა წიკლაურმა ცოტა ხნის წინ გამოაცხადა.
მერის მოადგილე ლევან გელაძე და საკრებულოს თავმჯდომარე, გივი ზაუტაშვილი და მისი ძმა, ნიკა ზაუტაშვილი სასამართლო დარბაზიდან გათავისუფლდნენ.
“ცხოვრებაში რაც ხდება ხოლმე, ეგ მოხდა. არაფერი არ მომხდარა განსაკუთრებული,. საერთოდ არ გვქონდა დაპირისპირება…იმათი მოგონილია, ვინც სიბინძურეს იგონებენ ხოლმე”, – ამბობს მერის მოადგილე ლევან გელაძე ადგილობრივ მედიასთან საუბარში. კომენტარს “მთავარი ამბები კახეთიდან” ავრცელებს.
ლევან გეგელაძე უარყოფს, რომ დაპირისპირება თანამდებობის გადანაწილებასთან დაკავშირებით მოხდა.
საქმეზე წინა სასამართლო პროცესი 10 დეკემბერს ჩაინიშნა. საკრებულოს თავმჯდომარისა და მერის მოადგილის უფლებამოსილების შეჩერების საკითხი მოგვიანებით გახდება ცნობილი.