საქართველოში თურქული სამხედრო-სატვირთო თვითმფრინავის ჩამოვარდნის შედეგად 20-ვე დაღუპული ნაპოვნია.
ამის შესახებ ინფორმაციას CNN TÜRK ავრცელებს.
შეგახსენებთ, სიღნაღის მუნიციპალიტეტში, საქართველო-აზერბაიჯანის საზღვართან თურქულმა სამხედრო თვითმფრინავმა, რომლის ბორტზე 20 სამხედრო იმყოფებოდა, კატასტროფა განიცადა. თვითმფრინავი აზერბაიჯანიდან თურქეთის მიმართულებით ასრულებდა რეისს.
თურქი ჟურნალისტი აბდულკადირ სელვი წერს, რომ გამოძიება მიმდინარეობს, როგორც თვითმფრინავის ჩამოვარდნის შესაძლებლობაზე, ასევე მისი ჩამოგდების რისკზე.