ეკვადორის ელ ოროს პროვინციის ციხის ბუნტის დროს, 27 პატიმარი დაიღუპა.
არეულობა პენიტენციურ დაწესებულებაში კვირას დაიწყო. მედიის ცნობით, ისმოდა სროლის, აფეთქებებისა და დახმარების თხოვნის ხმები. დაშავებულია 1 პოლიციელი და კიდევ 33 მსჯავრდებული.ციხე ეკვადორის სამხრეთ-დასავლეთით, პერუს საზღვართან ახლოს მდებარეობს. მედიის ინფორმაციით, სამართალდამცველებმა პენიტენციურ დაწესებულებაში კონტროლი აღადგინეს.