345 ადამიანის სიცოცხლე ემსხვერპლა ავტოსაგზაო შემთხვევებს 2025 წლის 9 თვეში
შინაგან საქმეთა სამინისტროს ოფიციალური სტატისტიკის მიხედვით, 2025 წლის პირველ 9 თვეში, 4 480 ავტოსაგზაო შემთხვევა მოხდა. ავტოავარიებში იანვრიდან სექტემბრამდე 345 ადამიანი დაიღუპა და 6 041 დაშავდა. გარდაცვლილთაგან 112 ქვეითად მოსიარულე იყო, 35 ბავშვი.
ოფიციალური სტატისტიკის მიხედვით, ავტოსაგზაო შემთხვევების 26%, ანუ 1990 შემთხვევა თბილისში მოხდა. დედაქალაქში ავარიების მსხვერპლთა რიცხვი 73-ია.
რეგიონებიდან ყველაზე მეტი ავტოსაგზაო შემთხვევა აჭარაში ფიქსირდება, სადაც 499 ავარიას 46 ადამიანის სიცოცხლე ემსხვერპლა.
შსს-ს მონაცემების მიხედვით, ორჯერ მეტია ავტომობილის შეჯახების შემთხვევები ქვეითად მოსიარულეზე [1385 შემთხვევა, 112 გარდაცვლილი, 1246 დაშავებული], ვიდრე ავტოსაგზაო შემთხვევები მოტოციკლის მონაწილეობით [ 748 შემთხვევა, 20 გარდაცვლილი, 713 დაშავებული].
ოფიციალური სტატისტიკის მიხედვით, ავტოსაგზაო შემთხვევების მსხვერპლები უფრო ხშირად ხდებიან კაცები, ვიდრე ქალები – 2025 წლის პირველ 9 თვეში ავარიებს 271 კაცი და 74 ქალი.