საქართველოს მესამე პრეზიდენტი, მიხეილ სააკაშვილი სოციალურ ქსელში განცხადებას ავრცელებს, რომელშიც კიდევ ერთხელ ხაზს უსავამს ოპოზიციური პარტიების ერთობლიობას.
მისი თქმით, გუშინ განვითრებული მოვლენები კიდევ ერთხელ აშკარას ხდის გაერთიანების აუცილებლობას. ის ოპოზიციურ პარტიებს მოუწოდებს, რომ შეწყვიტონ ცალ-ცალკე საზღვარგარეთ სტრატეგიულ პარტნიორებთან შეხვედრა და ერთმანეთის კრიტიკა.
“გუშინდელს შემდეგ კიდევ ერთხელ ნათელი გახდა ოპოზიციური ერთობის აუცილებლობა
1) უნდა შევწყვიტოთ ცალ-ცალკე უცხოეთში სიარული, ეს სიარული საკუთარი თავის კასტინგი კი არა, ქვეყნის გადარჩენის საკითხია, უნდა ვიაროთ ყველამ ერთად და გამოვიდეთ ერთი ფრონტით. ცალ-ცალკე სიარული ცუდ შთაბეჭდილებას ტოვებს ჩვენს ევროპელ და ამერიკელ მეგობრებზე.
2) უნდა შევწყვიტოთ ქართულ ოპოზიციურ არხებზე ერთმანეთის ჩაჩეხვა. ზოგიერთი ოპოზიციური ჯგუფი ფულს იყენებს თავისი თავის მაქსიმალურად წარმოსაჩენად და სხვების ჩასაჩექმად. ეს აზიანებს საერთო საქმეს.
3) უნდა დავივიწყოთ ყველა ძველი წყენა, ის თუ ვინ როდის რა პოზიციაზე იყო და ყველამ სამიზნე გავასწოროთ ივანიშვილზე.
გუშინ ერთი ტელეწამყვანი ამტკიცებდა რომ მე სხვა ოპოზიციონერებს “გაყიდულები” ვუწოდე. ეს არის სრული სიცრუე.
ჯერ ერთი ეს არ არის ჩემი ტერმინოლოგია და მეორე შეიძლება პრეტენზიები მქონდეს რომ ჩვენი თანამებრძოლები წარსულში არასწორად არჩევდნენ ალიანსებს, ცუდი აქტორების გავლენის ქვეშ ხვდებოდნენ, მაგრამ ამას დღეს ჩვენი საერთოდ აღარანაირი მნიშვნელობა აღარ აქვს, ჩვენი საერთო მიმართულება ემთხვევა ერთმანეთს და ამიტომ ერთმანეთს უნდა ჩავკიდოთ ხელი და ვიაროთ ამ მიმართულებით, გამარჯვებამდე.
ძალა ერთობაშია!”, – წერს მიხეილ სააკაშვილი.