გამოიყენებს, თუ არა სალომე ზურაბიშვილი სახელმწიფო ინსპექტორის სამსახურის გაუქმებაზე ვეტოს უფლებას და შეეცდება, თუ არა სტატუს-კვოს აღდგენას, ამ ეტაპზე კვლავ უცნობი რჩება.
ჟურნალისტების კითხვა პრეზიდენტმა უპასუხოდ დატოვა და ჩვეული იუმორით მიუგო: – “ვაპირებდი, რომ თქვენთვის მეთქვა, ახლა და აღარ გეტყვი” , – უთხრა ჟურნალისტებს. ზურაბიშვილმა.
ვიდეო: “ფორმულა”
კანონი, რომელიც სახელმწიფო ინსპექტორის სამსახურს აუქმებს და ორ ახალ სტრუქტურას ქმნის, საქართველოს პარლამენტმა დაჩქარებული წესით 30 დეკემბერს მიიღო. აღნიშნული კანონით, 1 მარტიდან თანამდებობას ტოვებენ სახელმწიფო ინსპექტორი ლონდა თოლორაია და მისი მოადგილეები.
კანონპროექტის პარლამენტში წარდგენა დროში დაემთხვა სახელმწიფო ინსპექტორის, ლონდა თოლორაიას დეკრეტულ შვებულებაში ყოფნას. როგორც ის აცხადებდა, მისი უწყების გაუქმებაზე რაიმე სახის კომუნიკაცია ხელისუფლების წარმომადგენლებთან არ ჰქონია.
სახელმწიფო ინსპექტორის სამსახურის გაუქმების განზრახვას ლონდა თოლორაიამ უწყების მიერ მიღებულ გადაწყვეტილებებს დაუკავშირა.