ჯგუფურ ძალადობაში მონაწილეობაში მხილებულია ქართველი მომღერლის, მამუკა ჩარკვიანის ვაჟი და ქართველი პოეტის ჯანსუღ ჩარკვიანის შვილიშვილი.
ჯაკო (ჯანსუღ) ჩარკვიანი ჯერ არ დაუკავებიათ, მაგრამ გამოძიების ცნობით, ის იმ თავდამსხმელებს შორის იყო, რომელებიც თბილისში, ხილიანზე მდებარე სუპერმარკეტ “სპარში” “ქართული ოცნების” მხარდამჭერის,მანჩო გიორგობიანის თხოვნით მივიდა და 19 და 21 წლის კონსულტანტებს ფიზიკურად გაუსწორდა.
თავდასხმის ორგანიზების ბრალდებით უკვე დაკავებულია მანჩო გიორგობიანი. მას 9 წლამდე პატიმრობა ემუქრება.
ჯაკო ჩარკვიანს და ჯგუფურ თავდასხმაში მხილებულ პირებს შს სამინისტროს წარმომადგენლები ამ წუთებშიც ეძებენ.
გამოძიების ვერსიით, სუპერ-მარკეტის თანამშრომლებზე გაბრაზებულმა მაჩო გიორგობიანმა, ჯაკო ჩარკვიანს დაურეკა. ზარიდან რამდენიმე წუთში, კი ჯაკო ჩარკვიანი და მასთან ერთად მყოფი ექვსი პირი სუპერმარკეტ “სპარში” შეიჭრნენ, გარეთ გაათრიეს და სცემეს მარკეტის ორი თანამშრომელი.
ჩარკვიანის მამიდა, თაკო ჩარკვიანი ამბობს, რომ მის ძმის შვილს მანანა გიორგობიანმა დაურეკა და შველა სთხხოვა, უთხრა, რომ რომ მაღაზიაში სცმენდნენ.