ქართველი კინოსა და თეატრის მსახიობი ზაზა პაპუაშვილი სოციალურ ქსელში მისი კოლეგის ნიკა ქაცარიძის გარდაცვალების ფაქტს ეხმაურება და მასთან ბოლო სატელეფონო საუბარს იხსენებს:
“…გამახარა გუშინ მისმა ზარმა… ერთი ორმოცი წუთი ვილაპარაკეთ… არ მენახა კაი ხანი… მონატრება, სითბო, სიყვარულით იღვრებოდა… მეუღლე, შვილებით აღტაცებით იყო… დღეს კი… თბილი… ნიჭიერი… თეატრის კარგი კაცი იყო… მეგობარი და პარტნიორი… რა სამწუხაროა..რა სამწუხარო… ნიკუშა მაგრად იყავი… ნახვამდის”, – წერს ზაზა პაპუაშვილი “ფეისბუქი”-ს პირად გვერდზე.
რუსთაველის თეატრის მსახიობი ნიკა ქაცარიძე გარდაიცვალა. არსებული ინფორმაციით, მას გულის პრობლემები ჰქონდა და გარდაცვალების მიზეზიც ეს გახდა. ნიკა ქაცარიძე 43 წლის იყო.
ნიკა ქაცარიძე დაიბადა 1978 წლის 29 ნოემბერს, თბილისში. დაამთავრა საქართველოს თეატრალური ინსტიტუტის სამსახიობო ფაკულტეტი. იყო შოთა რუსთაველის სახელობის სახელმწიფო თეატრის მსახიობი 2005 წლიდან. მას არაერთი საინტერესო როლი აქვს შესრულებული. მონაწილეობდა ტელე-სერიალებშიც.
ნიკა ქაცარიძეს მეუღლე და ორი მცირეწლოვანი შვილი დარჩა.