მუნი კანის პარაზიტული დაავადება, რომელსაც მუნის ტკიპა იწვევს. საქართველოში ბოლო პერიოდში მუნის რამდენიმე შემთხვევა დაფიქსირდა, მათ შორის, სკოლებშიც – იმასთან დაკავშირებით თუ როგორ ვრცელდება აღნიშნული დაავადება და რამდენად საშიშია ის ჩვენი ორგანიზმისთვის “მეტრონომი” დერმატო-ვენეროლოგ გიორგი არველაძეს ესაუბრა.
მისი თქმით, მუნი საკმაოდ რთულად ვრცელდება, რადგან ამისთვის უშუალოდ კანიდან კანზე კონტაქტია საჭირო
როგორ უნდა ამოვიცნოთ მუნი? რა სიმპტომები ახასიათებს?
პირველი ყველაზე თვალსაჩინო სიმპტომი არის ქავილი, ამ შემთხვევაში თითებს შორის არსებულ სივრცეებში და ხელის მტევანზე. პარალელურად ჩნდება, თვალსაჩინო წყვილ-წყვილად განთავსებული ჩირქისებრი ლაქები.
როგორ ვრცელდება მუნის გამონაყარი?
მუნი საკმაოდ რთულად ვრცელდება, რადგან ამისთვის უშუალოდ კანიდან კანზე კონტაქტია საჭირო. არსებობს შემთხვევები, როცა ოჯახის წევრებშიც კი არ ვრცელდება დაავადება, თუ ოჯახის ყველა წევრი დაიცავს შესაბამის ნომრებს.
პრევენციის მექანიზმები
მუნის პრევენციის ერთ-ერთი მთავარი საშუალება არის ხელების ხშირი დაბანა და ჰიგიენური ნორმების დაცვა. ვინაიდან, დაავადება უშუალო კონტაქტის შედეგად ვრცელდება, ხელების განსაკუთრებული დეზინფექცია ან დაბანა აუცილებელია.
შეიძლება გამოიყენოთ ნებისმიერი ანტისეპტიკური საშუალება — სპირტზე დაფუძნებული გელი, საპონი ან სადეზინფექციო ხსნარი. სწორედ ეს არის საუკეთესო საპრევენციო გზა ინფექციის თავიდან ასაცილებლად.
ვინ არის მეტად მოწყვლადი მუნის მიმართ?
მუნი შეიძლება აღმოუჩნდეს ნებისმიერი ასაკის და სქესის ადამიანს — სპეციალური რისკჯგუფი არ არსებობს.
მთავარია ჰიგიენის წესების დაცვა, ხელების ხშირი დაბანა და პირადი ნივთების გაზიარებისგან თავის შეკავებაა – აღნიშნა მან.