აშშ-ის ყოფილი ვიცე-პრეზიდენტი დიკ ჩეინი 84 წლის ასაკში გარდაიცვალა.
ამის შესახებ ინფორმაციას ამერიკული მედია ოჯახზე დაყრდნობით ავრცელებს.
ოჯახის წევრების განცხადების თანახმად, დიკ ჩეინი პნევმონიასა და გულ-სისხლძარღვთა დაავადებებთან დაკავშირებული გართულების შედეგად ოჯახის წევრების გარემოცვაში გარდაიცვალა.
ცნობისთვის, დიკ ჩეინის კარიერა ვაშინგტონში დაახლოებით ოთხ ათწლეულს ითვლის. ის იყო თეთრი სახლის აპარატის ყველაზე ახალგაზრდა ხელმძღვანელი ჯერალდ ფორდის პრეზიდენტობისას. ასევე, წარმოადგენდა ვაიომინგის შტატს აშშ-ის წარმომადგენელთა პალატაში, იკავებდა თავდაცვის მდივნის პოსტს პრეზიდენტ ჯორჯ ბუში უფროსის დროს, ამის შემდეგ კი ორი ვადით იკავებდა ვიცე-პრეზიდენტის თანამდებობას ჯორჯ ბუში უმცროსის პრეზიდენტობისას.