71 წლის პენსიონერი აზა ჩილაჩავა საქალაქო სასამართლოში გადაიყვანეს. რომელ მოსამართლეს დაეწერა საქმე, ჯერჯერობით ისევ უცნობია.
ჩილაჩავას აღკვეთის ღონისძიებაზე სასამართლო სავარაუდოდ სულ მალე იმსჯელებს.
გუშინ რუსთაველის გამზირზე გამართული საპროტესტო აქციის დროს დაკავებულმა 71 წლის აზა ჩილაჩავამ შიმშილობა დაიწყო. ინფორმაციას მისი ადვოკატი მარიკა არევაძე ავრცელებს, რომელმაც მისი დაცვის ქვეშ მყოფი იზოლატორში მოინახულა.
ცნობილია, რომ აზა ჩილაჩავა სამართალდამცავებმა ადმინისტრაციული წესით დააკავეს გზის ხელოვნურად გადაკეტვისთვის. მანამდე ის ერთხელ უკვე მოხვდა ადმინისტრაციულ პასუხისგებაში, თუმცა მაშინ მხოლოდ სიტყვიერი გაფრთხილებით შემოიფარგლნენ.