სიღნაღში ყოფილი ცოლის დაჭრისა და მეგობრის მკვლელობაში ბრალდებული დანაშაულს აღიარებს – მას აღკვეთის ღონისძიების სახით პატიმრობა შეეფარდა.
გადაწყვეტილება მოსამართლე გრიგოლ ვატიტაძემ გამოაცხადა.
შეგახსენებთ, მკვლელობა 29 ოქტომბერს, სიღნაღის მუნიციპალიტეტის სოფელ ძველ ანაგაში მოხდა. მამაკაცმა ყოფილ ცოლს და მის მეგობარ მამაკაცს სანადირო თოფიდან ესროლა. 47 წლის კაცი ადგილზე გარდაიცვალა, 41 წლის ქალი კი საავადმყოფოშია მოთავსებული.