რუსთაველის გამზირზე მოქალაქეები დღესაც იკრიბებიან. აქციის მონაწილეები ჯერჯერობით პარლამენტის შენობის მიმდებარედ იმყოფებიან და გზა არ გადაუკეტავთ. ადგილზე არ შეინიშნება პოლიციაც.
აქციის მონაწილეების მოთხოვნები უცვლელია: ახალი სამართლიანი არჩევნები და პოლიტპატიმრების გათავისუფლება.
დედაქალაქის მთავარ გამზირზე იმყოფება არქიმანდრიტი დოროთე ყურაშვილიც.
“ხალხმა რისთვისაც აირჩია ეს კაცი, თავის სიტყვაც უარყო, შეპირებებიც ხომ არ შეასრულა, წინაპრების არჩეულიც უარყო, ქვეყანა დაღუპა და რუსეთს რა ოცნებაც ჰქონდა, რომ ჩვენ ვყოფილიყავით მათი ბოსტანი, ამას დაარქვა “ქართული ოცნება”. ტაძარსაც დავიბრუნებთ და ქვეყასაც ადვიბრუნებთ. ბოლომდე!, – ამბობს მამა დოროთე ყურაშვილი.