დაკავებული ინფრასტრუქტურის ყოფილი მინისტრის მოადგილის ადვოკატმა მედიასთან პირველი კომენტარი გააკეთა. მისი განცხადების თანახმად, კობა გაბუნია ბრალს ამ დრომდე არ აღიარებს და დაკავებით აგოგნებულია.
“როგორც გამოძიება მეუბნება კი, დღეს იქნება ბრალის წარდგენა, მაგრამ დამიკავშირდებიან. მასალები რომ უნდა გადმომცენ, ამის შემდეგ რაღაც გარკვეული წარმოდგენა მექნება, გაცნობას ვერ მოვასწრებ, მრავალტომიანი საქმეა. თვითონ გაოგნებულია. როგორც მეუბნება, რასაც მედავებიან, არ შედიოდა ეგ ყველაფერი ჩემს საქმიანობაშიო და ვიღაცის ნათქვამის საფუძველზე ხომ არ შეიძლება პასუხისგებაში მისცე ადამიანი თუ არ გაქვს სხვა მტკიცებულებები. ბრიფინგზე რაც თქვეს, იმას გეუბნებით,” – თქვა დაკავებული ინფრასტრუქტურის ყოფილი მინისტრს ადვოკატმა, გოჩა კვირიკაშვილმა TV პირველთან.
შეგახსენებთ, რომ გუშინ ჩხრეკა ჩატარდა ინფრასტრუქტურის ყოფილი მინისტრის სახლში. პარალელურად კი თანამდებობის ბოროტად გამოყენების ბრალდებით დააკავეს მისი მოადგილე, კობა გაბუნია. საქმე ბაღების ტენდერებიდან 9 მლნ ლარზე მეტის თაღლითურად დაუფლებას ეხება. ქარსელაძე სუს-ის ყოფილი უფროსის, გრიგოლ ლილუაშვილის უახლოესი გარემოცვის წევრია.