“ჯალაღანია სისტემის ნაწილი იყო და დავალებებს ასრულებდა” – ოცნების წევრი ვლადიმერ სიხარულიძე

“ქართული ოცნების” წევრი ვლადიმერ სიხარულიძე ერთადერთი იყო, რომელმაც დაადასტურა ჯალაღანიასთან კავშირი წინა ხელისუფლების დროს.

სიხარულიძე წინა ხელისუფლების დროს პოლიტიკურად დევნილი იყოს,- ამის შესახებ ინფორმაციას ტვ პირველი ავრცელებს.
“იმ პერიოდში შეიძლება იმ სისტემის ნაწილი იყო და ასრულებდა იმ დავალებებს, რასაც აძლევდნენ.  როდესაც 2012 წელს “ოცნება“ მოვიდა, ეს გადაიყვანეს მთავარ პროკურორად. ვაპროტესტებდით, რადგან ის საკითხები, რომლებიც უნდა გაგვეპროტესტებინა, ისევ მასთან ხვდებოდა. თავის დანაშაულებზე თვითონ აგებს პასუხს, ან გამოისყიდა უკვე,” – ამბობს სიხარულიძე.

შეგახსენებთ, რომ  ირაკლი კობახიძემ ქვემო ქართლში გუბერნატორად  ილია ჯალაღანია დანიშნა. გამოცემა “გურისნიუსის“ არქივში ინახება ბიძინა ივანიშვილის ინტერვიუ, სადაც ის მთავარ პროკურატურას მიმართავს და  პირდაპირ ითხოვს ილია ჯალაღანიას წარსულის შეხსენებას.