“როდესაც არჩევნებში ვიღებდი მონაწილეობას, ძალიან კარგად მქონდა გათვიცნობიერებული და ვიცოდი, რამხელა შრომასთან იყო ეს ყველაფერი დაკავშირებული. თბილისის მერი კაბინეტური ვერ იქნება”, – ამის შესახებ დედაქალაქის მერმა კახა კალაძემ ტელეკომპანია “რუსთავი 2”-ის გადაცემაში “სხვა შუადღე” სოფო ნარჩემაშვილთან საუბრისას აღნიშნა.
“დედაქალაქში იმდენი პრობლემაა, თბილისის მერი კაბინეტური ვერ იქნება. თუ გინდა წარმატებული იყო, დაიმსახურo ხალხის სიყვარული, უნდა იყო ქუჩაში, მეთვალყურეობა გაუწიო იმ სამუშაოებს, რომელიც სხვადასხვა მიმართულებით ხორციელდება, არამხოლოდ საახალწლო განათებების მხრივ, ყველაფერში, ინფრასტრუქტურული პროექტები იქნება ეს თუ, სხვადასხვა სამუშაოები. ძალიან მნიშვნელოვანია კონტროლი და ჩემს გუნდთან ერთად ამას ვახერხებ. რა თქმა უნდა, ღამეების გათენებაც გვიწევს, მაგრამ სხვანაირად შეუძლებელია. როდესაც ამ ნაბიჯს ვდგამდი და არჩევნებში ვიღებდი მონაწილეობას, ძალიან კარგად მქონდა გათვიცნობიერებული და ვიცოდი, რამხელა შრომასთან იყო ეს ყველაფერი დაკავშირებული”, – ამბობს კახა კალაძე სოფო ნარჩემაშვილთან საუბრისას.