არქიმანდრიტ დოროთე ყურაშვილს საპატრიარქოში კომისიის სხდომაზე კიდევ ერთხელ იბარებენ, თუმცა ის კომისიაზე გამოცხადებას მხოლოდ იმ შემთხვევაში დათანხმდება თუ კომისიაზე დასწრების უფლებას მისცემენ მედიებსაც.
მისი თქმით, ის რუსეთის ეკლესიის მსხვეროლია და მას არა ქართული არამედ პირდაპირ რუსული ეკლესია ებრძვის.
მე ჩემი წერილი გავუგზავნე, სადაც მე მოვითხოვე დასწრება, სადაც იქნებით თქვენ, თქვენი ტელეკომპანია და “ფორმულა’, დარწმუნებული ვარ, მოხვალთ. თუ შეგვიშვებენ, ძალიან კარგი იქნება. მე იქვე გავცემ პასუხებს. თუ არ შეგვიშვებენ, აქეთ გამოვიდნენ. რატომ არის ეს კარი დაკეტილი? მეუფე შიო გამოვიდეს, დეკანოზი ანდრია ჯაღმაიძე გამოვიდეს, დეკანოზი მიქაელ ბოტკოველი გამოვიდეს და გასცეს ხალხს პასუხი და ხალხსაც აუხსნან, რატომ ვარ მე დასაჯელი. იცით, რა? ხალხი თურმე არ ყოფილა ეკლესია. სიბნელე უნდათ. საქართველოს ეკლესიის კანონმდებლობით, რომელიც წიგნიც გამოცემულია 95 წელს, წერია, კომისიის წევრი არ შეიძლება იყოს კონფლიქტში მყოფი დაბარებულთან. დეკანოზმა ანდრია ჯაღმაიძემ დაამტკიცოს, სად ვარ მე მოძალადე, ამას ვითხოვ. დიტო სამხარაძემ დაამტკიცოს, რატომ ვარ მე “გოთვერანი” და რამდენად აქვს მას ამის უფლება. ეს ვიღაცა მღვდლები რომ გამოდიან და ციხეშ უნდა იყოსო, ატომ უნდა ვიყო მე ციხეში? მოიწვიონ ეს მღვდლები ყველა და ყველას გავცემ პასუხს საჯაროდ. ვინც მე მსჯის, გამოჩნდება, რომ რუსეთის არის და ეს არის რუსეთის დავალება. მე მსჯის რუსეთის ეკლესია და რუსეთის სახელმწიფო, თორემ ჩემს სახელმწიფოს და ჩემს ეკლესიას არაფერს ცუდს არ ვუკეთებ, – ამბობს მამა დოროთე ყურაშვილი.