ალერგოლოგ-იმუნულოგმა ბიძინა კულუმბეგოვმა “რუსთავი 2″ -თან საუბრისას განვლილი წლის პანდემიური პერიოდი შეაფასა. როგორც კულუმბეგოვი აღნიშნავს, სამედიცინო სფეროს თითოეულ წარმომადგენელს უდიდესი წვლილი მიუძღვის, “უხილავ მტერთან” ღირსეულად ბრძოლაში.
ამასთან, იმუნოლოგი არ გამორიცხავს, იმ შემთხვევაში თუ მსოფლიოში ვაქცინაციის მაჩვენებელი მკვეთრად გაიზრდება, ამას დაერთვება ანტივირუსული პრეპარატების რეალიზებაც, პანდემია დასასრულს მიუახლოვდეს.
“ყველა სამედიცინო პერსონალს თავისი ფუნქცია ჰქონდა… ბუნებრივია, ამას თუ განზოგადებულად შევხედავთ, პირდაპირი და გადატანითი მნიშვნელობით ეს იყო და არის – ბიოლოგიური ომი.
ექიმები, მედდები, სანიტრები, ეს არის ის ძალა, რომელზეც იდგა და დგას პანდემიასთან ბრძოლის პირველი ხაზი.
გულწრფელად უნდა ვთქვა, ამის მოლოდინიც არ მქონდა… – მეგონა, რომ უფრო მეტი წარუმატებლობა გვექნებოდა, ჰოსპიტალური სექტორის ჩავარდნა და ა.შ… ჩვენმა ქვეყანამ ნამვდილად შეძლო მობილიზება, თუნდაც საწოლფონდის… ეს არის დასაფასებელი, უნორმო შრომა, რომელიც ადამიანებმა გასწიეს.
დღეს, კაცობრიობას 2022 წლის დასაწყისში აქვს შესაძლებლობა, რამდენიმე ძალიან კარგი ვაქცინა გამოიყენოს. ამ წლიდან ჩვენ შესაძლებლობა გვექნება, რამდენიმე ანტივირუსული პრეპარატიც გვქონდეს… – ბუნებრივია, ეს იძლევა საშუალებას ვთქვათ, რომ პანდემია დასასრულთან ძალიან ახლოს არის”, – ამბობს ბიძინა კულუმბეგოვი თამარ ურუშაძესთან ინტერვიუში.