ტიკარაძემ გასაგებად თქვა, თუ ჩემს კორუფციულ ინტერესებს შეეხებით, მე თქვენს კორუფციულ ინტერესებზე მოვყვებიო, – ამის შესახებ სახალხო დამცველის ყოფილი მოადგილე, უფლებადამცველი სოფიო ხორგუანი სოციალურ ქსელში წერს:
“რა საჭიროა ხბოს აღტკინება ანტივაქსერი მინისტრყოფილი ტიკარაძის მიმართ?! ქალმა გასაგებად თქვა, თუ ჩემს კორუფციულ ინტერესებს შეეხებით, მე თქვენს კორუფციულ ინტერესებზე მოვყვებიო. ასე რომ, თქვენც ჩუ! და მეც ჩუ! -ო, ეს იყო მთელი ალია-ბალია.
პ.ს. კუჭავაც არ დაიკარგება, ნაცმოს მფარველობით სამთო-მომპოვებელი კომპანია ჰქონდა რაჭაში. გააგრძელებს ახლაც წიაღისეულის ძებნას.
პ.პ.ს. ღმერთო, რა გახდა, ადამიანისა და ქვეყნის მოყვარული მთავრობა რომ გაიმეტო ჩვენთვის? ერთხელაც გადაგვარჩინე, ეს ერთი საშობაო სურვილიც შემისრულე”, – წერს ხორგუანი “ფეისბუქის” პირად გვერდზე.