კალიფორნიელ ქალს ქმარმა ბენზინი გადაასხა და შემდეგ ცეცხლი წაუკიდა. ქალმა სერიოზული დაზიანებები მიიღო.
როგორც უცხოური გამოცემა წერს, შემთხვევის გამო 42 წლის შონ ჰოფმანი დააკავეს.
დაშავებულს სახის, ხელებისა და ტანის მძიმე დამწვრობა აღენიშნებოდა და საავადმყოფოში გადაიყვანეს. ამჟამად მისი მდგომარეობა სტაბილურია. ქალი სამედიცინო მიზეზების გამო ხელოვნურ კომაში იმყოფებოდა და სხეულის 25%-ზე დამწვრობა ჰქონდა მიღებული.
„ვიმედოვნებთ, რომ საკმარის თანხას შევაგროვებთ, რომ დედაჩემის სრულ გამოჯანმრთელებამდე დავეხმაროთ მას ხარჯების გადახდაში“, – წერს ქალის მისი ვაჟი.
მამაკაცს ბრალი ედება მკვლელობის მცდელობაში, ასევე წამებაში, განზრახ ცეცხლის წაკიდებაში, რამაც სხეულის მძიმე დაზიანება გამოიწვია და ოჯახში ძალადობაში.
ბრალდების წარდგენისას მან თავი უდანაშაულოდ ცნო. ჰოფმანი ამჟამად ციხეში იმყოფება.