უწყვეტი პროტესტის 323-ე დღე – რუსთაველის გამზირი დღესაც გადაკეტილია.
ახალი რეპრესიული კანონების მიუხედავად, ხალხი ისევ ქუჩაშია და ქვეყნის ევროპულ მომავალს იცავს.
ერთწლიანი აქციების მონაწილეები უკან დახევას არ აპირებენ და ქვეყნის მთავარ გამზირზე ისევ უწყვეტ რეჟიმში შეიკრიბებიან.
ისინი ამბობენ, რომ ტროტუარზე შეიკრიბებიან და შესაბამისად, მათ ვერავინ დაიჭერს, ან დააჯარიმებს.
მათ უნდათ, სისხლის სამართლის პასუხისმგებლობით დააშინონ ადამიანები. ვნახეთ, რომ აქამდე ამ დაშინებამ ვერ იმუშავა. მე მინდა საზოგადოება ვუთხრა, რომ ტროტუარზე დგომა, არანაირ უკანონობაში არ ჯდება, თუ გეშინიათ, რომ ვიღაც დაგაჯარიმებთ, ან დაგიჭერთ, ტროტუარზე დგომის გამო, ამას ვერავინ გააკეთებს, შესაბამისად, გამოდით, ტროტუარზე მაინც დადექით და მხარი დაუჭირეთ იმ პროტესტს, რომელიც ახლა მიმდიანრეობს, – აცხადებს ნიკა სიმონიშვილი.