სუს-ი ტელეკომპანია „იმედის“ მაუწყებლობის გათიშვასთან დაკავშირებით განცხადებას ავრცელებს

სახელმწიფო უსაფრთხოების სამსახური იძიებს ვინ გათიშა იმედი.

მდინარაძის უწყების ცნობით, ტელეკომპანია „იმედის“ მომართვის საფუძველზე,  გამოძიება საბოტაჟის მუხლით დაიწყო.

„არხის მაუწყებლობა 17 საათსა და 48 წუთზე გაითიშა და დაახლოებით 45 წუთის განმავლობაში არხი ეთერში ვერ გავიდა. „ტელეიმედთან“ ერთად მაუწყებლობა შეწყდა ჰოლდინგში შემავალი კიდევ ორი კომპანიის – „მაესტროსა“ და „ჯიდიესის“ შემთხვევაშიც. მიმდინარეობს შესაბამისი საგამოძიებო მოქმედებები”, – აღნიშნულია სუს-ის ინფორმაციაში.

მანამდე “იმედმა” გაავრცელა განცხადება, რომლის თანახმად, ტელეკომპანიის მაუწყებლობა “დაუდგენელი მიზეზით, მოულოდნელად, დაახლოებით 45 წუთით გაითიშა”.