ვარ, ვიყავი და ვიქნები საქართველოში და თბილისში , – ამის შესახებ პარტია „საქართველოსთვის“ ლიდერმა გიორგი გახარიამ ჟურნალისტებს განუცხადა, შესაბამისი კითხვის საპასუხოდ, „თუ რატომ არ ჩანდა ამ დროის განმავლობაში“.
მისი თქმით, პარტიას ბევრი სამუშაო აქვს და ამასთან, აღნიშნავს, რომ განსაკუთრებული ამ პოლიტიკურ პროცესში არაფერი ხდება.
„ვარ, ვიყავი და ვიქნები საქართველოში და თბილისში. ბევრი სამუშაო გვაქვს. მოგეხსენებათ, სრულიად ახალი პარტია გვაქვს, ბევრი საქმე და სამუშაოა. ამიტომ, რეგიონებში ხალხთან ბევრი მუშაობა გვიწევს. ეს არის და ეს. თან ახალა, განსაკუთრებული ამ პოლიტიკურ პროცესში არც არაფერი ხდება. ვფიქრობ, საპარლამენტო მუშაობა, საკრებულოები დღეს არის პრიორიტეტი, როდესაც ჩვენმა მოქალაქეებმა მათი ინტერესი უნდა განახორციელონ, მათი ყოველდღიური პრობლემები”, – განუცხადა ჟურნალისტებს გახარიამ.