თბილისის საქალაქო სასამართლომ 4 ოქტომბრის მოვლენებთან დაკავშირებით პედიატრ გიორგი ჩახუნაშვილს აღკვეთის ღონისძიების სახით.
მოსამართლის გადაწყვეტილებით, ექიმმა 20 000 ლარი 30 დღის განმავლობაში უნდა გადაიხადოს.
პროკურორმა სხდომაზე განაცხადა, რომ ისინი “ლოიალურები” იქნებიან ჩახუნაშვილის მიმართ, მისი ასაკის, ჯანმრთელობისა და საქმიანობის გათვალისწინებით.
სასამართლო დარბაზში ექიმმა განაცხადა, რომ ის თავს უდანაშაულოდ ცნობს და დაამატა, რომ იგი პრეზიდენტის ადმინისტრაციის მახლობლად, მხოლოდ აქციის მონაწილეების დასახმარებლად იმყოფებოდა.
“მთელი ჩემი შემოქმედებითი ნაწილით, მე არ ვთვლი რომ დანაშაული ჩავიდინე. კითხვაზე – ვიყავი თუ არა იქ – ვიყავი. მე დანაშაული არ ჩამიდენია, მე ვასრულებდი ჩემს სამედიცინო მოვალეობას, სადაც ვიყავი აქციის დაწყებიდან მის ბოლომდე. ჩემი ქმედებით იქ ჩავატარე პირველადი სამედიცინო დახმარებები და დღესაც რომ იყოს იგივე მდგომარეობა, დღესაც იმავეს ჩავატარებდი. ჩემი შინაარსობრივი მდგომარეობით, მე ვემხრობი ევროპულ სტანდარტებს და აქციებზეც ვიყავი, თუმცა კიდევ ერთხელ ვამბობ, რომ აქციაზე ძალადობრივ ქმედებებში მონაწილეობა არ მიმიღია“, – თქვა ჩახუნაშვილმა.
ამავე პროცესზე მოსამართლემ დაკავებულ გიორგი მულაძეს აღკვეთის ღონისძიების სახით პატიმრობა შეუფარდა.
პროკურორი ირწმუნება, რომ მულაძის მხრიდან არსებობს ახალი დანაშაულის ჩადენის და მტკიცებულებების განადგურების საფრთხე.
ორივე მათგანი 9 ოქტომბერს დააკავეს.
პროკურატურა მათ პ 2 მუხლის – სტრატეგიული და განსაკუთრთებული მნიშვნელობის მქონე ობიექტის ხელში ჩაგდების მცდელობა, ჩადენილი ჯგუფურად და ჯგუფურ ძალადობაში მონაწილეობა – დარღვევას ედავება.