ტელეკომპანია “”POSTV”- მ “მთავარი არხის” გენერალური დირექტორის მიმართვა მოიპოვა და გაავრცელა, სადაც , ნიკა გვარამია “ფეისბუქის” დახურული ჯგუფის საშუალებით, ჟურნალისტებს თხოვნით მიმართავს:
“მეგობრებო, ძალიან გთხოვთ, როგორც არასდროს არაფერი არავისთვის, ხვალინდელი დღე გადავაგოროთ რამენაირად.
ძალიან გთხოვთ. ჩათვალეთ, რომ ჩემი სიკვდილ-სიცოცხლის საკითხია. ხვალ რომ ჩვენ მიტინგი არ გავაშუქოთ, ჯვარზე გამაკრავს ყველა, რომ ქოცებს გავურიგდი, მიშას ციხეში ყოფნა მინდა და ასე შემდეგ. სუსიც შეუწყობს ამას ყველაფერს ხელს.
ძალიან გთხოვთ, თუ ერთად გატარებული ამდენი წელი რამეს ნიშნავს თქვენთვის და რამე სიკეთე გამიკეთებია, ახლა გთხოვთ ანგარიშის გაწევას. ეს ჩემი ბოლო თხოვნაა და ზეგიდან ხმის ამომღები არ ვარ.
მაპატიეთ და უმორჩილესად გთხოვთ, ხვალინდელი დღე მაჩუქოთ. თუ არა ამას ნამდვილად გავიგებ, მაგრამ იქნებ ბოლოჯერ გამიწიოთ ანგარიში”, – წერს გვარამია სოციალურ ქსელში.
აღნიშნულს ჟურნალისტი გია გაბრიჭიძე “ფეისბუქის” პირად გვერდზე შემდეგნაირად ეხმაურება:
“მდაა, რაღაც რომ ყარდა ნაცებში ყველამ იცოდა, მაგრამ ასე “გადასაგორებლად” თუ ჰქონდათ საქმე და ამას ასე ქვითინით გვამცნობდა “ყველაზე მთავარი” ტელევიზიის შეფი, ნაღდად არავის ეგონა.
მთლად შემოდგომის აზნაურებივით ყოფილან ეს გაჭირვებულები, მაგრამ ისინი არ იმჩნევდნენ მაინც”, – წერს გაბრიჭიძე სოციალურ ქსელში.
ამასთან, როგორც “POSTV” იუწყება, მათთვის ექსკლუზიურად გახდა ცნობილი, რომ მიხეილ სააკაშვილი “ნაცმოძრაობის” წევრებს მისი გათავისუფლების მოთხოვნით სასწრაფოდ შიმშილობის დაწყებას სთხოვს, წინააღმდეგ შემთხვევაში კი, პარტიასა და ტელევიზიებს დაფინანსების შეჩერებით ემუქრება.
https://mix.metronome.ge/24643-2/