არქიმანდრიტი ილია ჯინჯოლავა სოციალურ ქსელში განცხადებას ავრცელებს, სადაც არქიმანდრიტ დოროთე ყურაშვილის გარშემო დატრიალებულ ამბავს ეხმაურება და სისტემასა და “ქართული ოცნების” პარტიულ მმართველობაზე საუბრობს.
“ვინმე სამხარაძე, პიროვნულად სულაც არ არის საინტერესო, უბრალოდ ის გახლავთ “ქართული ოცნების” ამორალურობის სახე. ახალი არ იქნება, თუ გეტყვით, რომ ბიძინას თავის მონურ სისტემასთან ერთად ყოველთვის სძულდა ეკლესია და მისი იერარქები. მისი “ქველმოქმედება” კარგად გამოვლინდა, რომ იყო “სავიზიტო ბარათი” პოლიტიკაში გეგმიურად შემოსასვლელად და რუსული, და მისი პირადი მერკანტილური მიზნების განსახორციელებლად.
ყველამ კარგად იცის, რომ ბიძინას, თავისი არსით არაფერი კავშირი არ აქვს ქრისტიანობასთან, ის შამანიზმის, მძჩიბავობის და ათასი წარმართული ცრურწმენის მიმდევარი უფროა, ვიდრე ეკლესიისა, ღმერთად კი მამონა ჰყავს და ამას მიაჩვია თავისი დამქაშებიც.
მან პოლიტიკაში მოსვლის პირველივე დღეებიდან, ყველა ის მანკიერი მხარეები გადაიბარა წინა ხელისუფლებებიდან ეკლესიასთან მიმართებაში და მეტიც, ცდილობდა მის სრულად ინსტრუმენტალიზებას.
ძალოვანი სისტემები, ე.წ. სუსი მთლიანად შემძვრალია საეკლესიო წრეებში, ათასნაირი მზაკვრობით შებილწა და მწვავე იდეოლოგიური პროპაგანდის მსხვერპლად აქცია, მისი მესვეურების, რუსეთის, სასარგებლოდ.
ამ მძიმე მარწუხებისგან განთავისუფლება საქართველოსთვის ისტორიულ და საუკუნოვან გამოწვევად იქცა, და არც მხოლოდ ერთ პიროვნებამდე დაიყვანება. ამიტომაც, არც რუსეთის მტრობაა ჩვენდამი ახალი და არც ჩვენი ევროპული არჩევანი. ეს საქართველოს ისტორიამ კარგა ხანია განსაზღვრა, რასაც ვერა და ვერ შეეგუა, მეზობლად წოდებული ღრუსი.
თავის მხრივ, არც ერთი მღდელმსახური, მამა დოროთე ყურაშვილი, კი არ არის დასაცავი, არამედ ეკლესიის თვითმყოფადობა და თავისუფლების სული – ქრისტეს და მოციქულთა მემკვიდრეობა.
“ქართული ოცნება” ცდოლობს მისი ბოროტების მოწინააღმდეგეებისგან შექმნას მტრის ხატი – “ესაა დამანგრეველი ფსიქიკური ძალა, იმიტომ რომ მტერი კი არ იწვევს ეჭვს, ეჭვი შობს მტერს… მტერი არის განსხეულებია იმისა, რაც ჩემშივეა ფესვგადგმული, როგორც უძლურება”. (მ. მამარდაშვილი)
კვლავაც: ვისაც ეს სიტყვა პარტიული გგონიათ, უგუნურები ხართ, არა იმიტომ რომ არ გესმით, არამედ არ გაწყობთ გაიგოთ – ლოგიკაც კი წაგებილწათ” – წერს არქიმანდრიტი ილია ჯინჯოლავა სოციალურ ქსელში.