ჯანდაცვის მსოფლიო ორგანიზაცია საზოგადოებას სადღესასწაულო ღონისძიებების გააუქმებისკენ მოუწოდებს. ამის შესახებ ინფორმაციას „ბიბისი“ ავრცელებს. აღნიშნული რეკომენდაცია მას შემდეგ გაიცა, რაც აშშ-“ომიკრონი”დომინანტური ვარიანტი გახდა.
„გაუქმებული ღონისძიება უკეთესია, ვიდრე შეწყვეტილი სიცოცხლე“, – თქვა ჯანდაცვის მსოფლიო ორგანიზაციის გენერალურმა დირექტორმა, ტედროს ადანომ გებრეისუსმა გამართულ ბრიფინგზე.
მისივე განცხადებით, საჭიროა „რთული გადაწყვეტილებების“ მიღება, რაც რიგ შემთხვევაში ღონისძიებების გაუქმებას ან გადადებას ნიშნავს.
„ყველა ჩვენგანი დაიღალა ამ პანდემიით. ყველა ჩვენგანს სურს, დრო მეგობრებთან და ოჯახთან ერთად გაატაროს. ყველას სურს, ნორმალურ ცხოვრებას დაუბრუნდეს. ყველაზე სწრაფი გზა ამის გასაკეთებლად ყველა ჩვენგანისთვის, ლიდერებისა და ინდივიდუალური პირებისთვის, არის რთული გადაწყვეტილებები, რომლებიც მისაღებია საკუთარი თავისა და სხვების დასაცავად. ზოგიერთ შემთხვევაში, ეს ნიშნავს ღონისძიებების გაუქმებას ან გადადებას… უკეთესია, გავაუქმოთ ახლა და ვიზეიმოთ მოგვიანებით, ვიდრე ვიზეიმოთ ახლა და ვიგლოვოთ მოგვიანებით“, – განაცხადა ტედროს ადანომ გებრეისუსმა.
ჯანმო-ში აღნიშნავენ, რომ ახლა უკვე არსებობს თანმიმდევრული მტკიცებულება, რომ “ომიკრონი” უფრო სწრაფად ვრცელდება, ვიდრე “დელტა” ვარიანტი.
ცნობისთვის, გუშინ საქართველოში “ომიკრონის” პირველი შემთხვევები დაფიქსირდა.