„ჟორჟ მიქაუტაძე, სახალხო ფეხბურთელი“, – ამ სათაურით გამოაქვეყნა წერილი ესპანურმა გამოცემა castellonaldia-მ.
„ქართველმა თავდამსხმელმა, რომელმაც ლა ლიგაში გატარებულ სულ რაღაც ერთ თვეში „ვილიარეალის“ გულშემატკივრები გოლების გატანის უნარით მოხიბლა.
ჟორჟ მიქაუტაძე „ვილიარეალში“ სატრანსფერო „ფანჯრის“ ბოლოს ჩავიდა და კლუბის ისტორიაში ყველაზე ძვირად ღირებული შენაძენი გახდა – „ლიონის“ საბანკო ანგარიშზე 30 მილიონი ევრო აღმოჩნდა იმ ფეხბურთელის სანაცვლოდ, რომელმაც გულშემატკივრების გული თითქმის მოსვლისთანავე მოიგო.
იგი პირველივე დღიდან ესპანურად აქვეყნებდა პოსტებს სოციალურ ქსელებში და ხშირად ნახავთ, როგორ სეირნობს ქალაქში, როგორც ადგილობრივი მაცხოვრები, მოთმინებით ჩერდება ფოტოების გადასაღებად და გულშემატკივრებისთვის ავტოგრაფების დასარიგებლად.