“ევროკავშირი საერთოდ არ არის საინტერესო” – რას აცხადებს კახა კალაძე

ევროკავშირი საერთოდ არ არის საინტერესო, – ამის შესახებ კახა კალაძე ჟურნალისტებთან აცხადებს, რითიც კაია კალასისა და მარტა კოსის განცხადებას ეხმაურება.

როგორც კალაძე ამბობს, “ამ ქვეყნის ბატონ-პატრონი არიან რიგითი მოქალაქეები, ვისაც აქ ხედავთ, ქვეყნის მოსახლეობა და არა ვიღაც კალასები, მალასები და ვიღაცები გარედან”.

“ჩვენს პასუხს დაველოდოთ. ჩვენ ხვალ გვექნება პასუხი აღნიშნულ განცხადებებთან დაკავშირებით. საერთო მესიჯი გაჟღერდება და დაველოდოთ ამ განცხადებას. ჩემი პოზიცია მარტივია – ვერც კალასი და ვერც კოსი ვერ გიშველით იმიტომ, რომ ქართველი ხალხი არ გიჭერთ მხარს. ევროკავშირი საერთოდ არ არის საინტერესო. ჩემთვის ყველაზე მნიშვნელოვანი არის მისი აღმატებულება ქართველი ხალხი. ერთი რამ უნდა გაიგოთ თქვენ – ამ ქვეყნის ბატონ-პატრონი არიან რიგითი მოქალაქეები, ვისაც აქ ხედავთ, ქვეყნის მოსახლეობა და არა ვიღაც კალასები, მალასები და ვიღაცები გარედან. გაიგეთ ეს, გაითავისეთ. ამ ქვეყანას მართავს მხოლოდ და მხოლოდ მისი აღმატებულება ქართველი ხალხი, ისინი იღებენ გადაწყვეტილებას, ვინ იყოს ხელისუფლებაში და ისინი იღებენ გადაწყვეტილებას, ოპოზიციური სპექტრი როგორ უნდა იყოს წარმოდგენილი“, – განაცხადა კალაძემ. {IPN-ის ცნობით].

შეგახსენებთ, რომ კაია კალასი და მარტა კოსი საქართველოში ჩატარებულ თვითმმართველობის არჩევნებს გამოეხმაურა და განცხადება გაავრცელა, სადაც ნათქვამია, რომ არჩევნები „განსხვავებული აზრის ფართომასშტაბიანი ჩახშობის გარემოში ჩატარდა“.